Wednesday, July 24, 2013

වැලා

දරු සම්පත් එහෙම ලබලා පියෙක් වුණ නිසා බඩා මාමා පහු ගිය මාස 10ක් විතර කාලයකට බ්ලොග් අඩවිය යාවත්කාලීන කරන්න හම්බ වුණේ නෑ. හදිස්සියෙම මෙහෙම බ්ලොගක් ලිව්වාය කියලා මතක් වෙච්ච නිසා ආයෙත් ආවා. වැඩිය කතා නැතුව කතාවකටම බහිමු.

බඩා වෛද්‍ය පීඨයට ආපු අළුතම (ඒ කියන්නේ 1998 දී - යකෝ මම නාකියි!) වෙච්ච සිද්ධියක් තමයි මේක. අපේ කතා නායකයා මොරටුව පැත්තෙන් ආපු, කලු, කෙට්ටු, පොඩි කොල්ලෙක්. කොල්ලා පොඩි වුණාට ශරීරයේ බරේ කිලෝග්‍රෑමයකට සාපේක්ෂව වැඩියෙන්ම බොන්නෙත් අපේ මිත්‍රයම තමයි. 

වෛද්‍ය පීඨයේ පළමු වසරේදී අපිට නේවාසිකාගාර නෑ. පුද්ගලික නේවාසිකාගාර වල මුදල් ගෙවාගෙන තමයි ඉන්නේ. මෙන්න මේ වගේ තැනකට ගායන හැකියාව තිබුණු මිත්‍රයෙකුත්, චිත්‍ර අඳින මිතරයෙකුත්, උයන්න දක්ෂ මිත්‍රයෙකුත් එක්ක අපේ කතා නායකයා සෙට් වුණා. අපේ සින්දු කියන මිත්‍රයාත් නියම බඩුවක්. කුළු හරකෙක් වගේ ඇඟ පත හයිය, සෑහෙන උස මහත, හැබයි හරිම අහිංසක කොල්ලෙක්. උදේ පාන්දරම මූ දත් මදින්නේ නැතුවම "මල් පිබිදී ගෙනැ එන්නේ - මඳ මඳ හිමිදිරි යාමේ" වගේ සින්දු කියනවා. සින්දු නම් ලස්සනට කියනවා, ඒත් අර කටේ කුණු කෙළ ගඳට පිබිදුණු මලුත් පර වෙනව කියලයි රට්ටු කිව්වේ. මල් පිබිදීගෙන එන්නේ කියද්දී අපේ චිත්‍ර මිත්‍රයාට ලෝකය කොළ පාටට පේන්න ගන්නවා කියලයි කියන්නෙත්. 

කොහොම හරි මේ පුද්ගලික නෙවාසිකාගාරයට ගිහින් සතියක් ඇතුලත අපේ කතා නායකයාට කාඩ් එකක් වැදුනා. කාඩ් එක "වැලා". මේ කාඩ් එක ඇහෙද්දී එක එක අය එක එක කතා කියනවා. සමහරු පත්තර ගැන කියනවා. සමහරු පලතුරු ගැන කියනවා. සමහරු කාන්තාවන් සහ ඔවුන්ගේ අඟපසඟ ගැන කියනවා. පෙබරවාරි 14 වෙනිදා වෙච්ච වැලන්ටයින් සිද්ධියක් ගැන සමහරු කියනවා. කතා ලෝකයයි. ඒත් නමට හේතුව දැනගත්තේ ටිකක් පහුවෙලා. අපේ මිත්‍රයා වැසිකිළිය ඇතුලේ රෙදි වැලක් බැඳලා!

8 comments:

  1. පිය පදවියට මගෙන් සුබ පැතුම්!

    ReplyDelete
  2. අපේත් පොරක් හිටියා වැලා කියලා. ඒ නම් මං හිතන්නේ නියම තේරුම සහිතව.

    වැඩි හොඳට නම පොෂ් කරලා අපි ඌට කිව්වේ වැලේසා කියලයි. වැලේසා කියන්නේ පෝලන්තයේ හිටපු ජනාධිපති කෙනෙක්.

    ReplyDelete
  3. ලෙක් වැලේසා මතකයි! සුබ පැතුමට ස්තූතියි!

    ReplyDelete
  4. සුබ පැතුම් ! එහෙනම් දැන් දරු සුරතල් බලනවා ඇති.

    නම නම් කැතයි. වැලා කිව්වම වෙන වෙන එව්වනේ හිතන්නෙ. පවු අසරණයා.

    ReplyDelete
  5. දරු සම්පත් එහෙම ලබලා පියෙක් වුණ නිසා ............
    - යකෝ මම නාකියි!)............

    මේ දෙක පරස්පරයි.

    ReplyDelete
  6. @රාජ් - 36ක් කියන්නේ තරුණ නෑනෙ. මේ දවස් වල දණහිසේ ආබාධයකිනුත් පීඩා විදිනවා. අවුරුදු 5කට කලින් මොන එකක් වත් තිබුණෙ නෑ!

    ReplyDelete
  7. තුන් දෙනාටම උණුසුම් සුබ පැතුම්..
    ඉස්සරහට දරු සුරතල් එක්ක බ්ලොග් ලියන්න තියන කාලය ගොඩක් අඩු වේවි.. එත් පුළුවන් පුළුවන් විදියට මොනවා හරි ලියල දාන්න!! :)

    ReplyDelete